اہم خبریں

ترجمان حکومت فیض اللہ فراق فارغ،کرپشن کے خلاف انکوائر ی فیصلہ، کمیٹی تشکیل۔

گلگت (پ،ر)وزیر اعلی گلگت بلتستان سکرٹیریٹ سے جاری بیان کے مطابق ترجمان حکومت گلگت بلتستان فیض اللہ فراق کے حوالے سے سنگین الزامات میڈیا میں آنے کے بعد بعد حکومت ایکشن میں آگیا۔ گزشتہ دنوں دیامر یوتھ کی جانب گلگت میں پریس کانفرنس کرتے ہوئے الزاملگایا تھا کہ فیض اللہ فراق نے غیر قانونی بھرتیاں کرائی ہیں اور مختلف محفلوں میں حکومتی ترجمانی کرنے کے بجائے گلگت بلتستان کے اعلی ترین آفس اور کابینہ کے حوالے سے غیر مہذب گفتگو اور ہرزہ سرائی کرتے ہیں ۔ان الزامات کے سامنے آنے کے بعد حکومت کی طرف سے انکوائری کمیٹی تشکیل دی گئی ہے جو ان الزامات کی تحقیقات کر کے رپورٹ پیش کرے گی تحقیقات مکمل ہونے تک اعزازی ترجمان فیض اللہ فراق کو عہدے سے ہٹایا گیا ہے۔ اب فیض اللہ فراق حکومتی ترجمان نہیں رہے ،ان سنگین الزامات کی تحقیقات کیلئے کمیٹی میں حاجی حیدر خان وزیر ایکسائز اینڈ ٹیکسیشن،محاجی جانباز خان ،وزیر زراعت ،امین اللہ غز نوی ڈپٹی سیکٹری سروسسز ،احسان علی ڈپٹی سکییر ٹری صحت پر مشتمل ہے ،اس تحقیقاتی کمیٹی کے چئر مین حاجی حیدر خان ہوں گے ۔