اہم خبریں

کھرمنگ واٹر فلٹریشن پروجیکٹ کے لئے مختص فنڈ میں بڑے پیمانے پر خردبرد کا انکشاف ۔

کھرمنگ (قاسم قاسمی) کھرمنگ واٹر فلٹریشن پروجیکٹ کے لئے مختص فنڈ میں بڑے پیمانے پر خردبرد کرنے کا انکشاف ہوا ہے۔تفصیلات کے مطابق 2008 میں واٹر فلٹریشن کے لئے کھرمنگ آٹھ یونین کونسلز کے لئے واٹر فلٹریشن پروجیکٹ منظور ہوئے یعنی ہر یونین کونسلز کے لئے ایک ایک واٹر فلٹریشن پلانٹ رکھا گیا جس کے لئے گورنمنٹ کی جانب سے باقاعدہ زمین کی معاوضے بھی جاری کئے گئے۔ اس پروجیکٹ کے مد میں کڑوڑوں روپئے منظور ہوئے اور زمینوں کے معاوضے کے مد میں لاکھوں روپئے بھی ادا کئے گئے۔ اسکے باوجود سوائے ایک دو کے کہیں پر بھی واٹر فلٹریشن کا نام ونشان موجود نہیں یہ پراجیکٹس آسماں کھا گئے یا زمین نگل گئی کچھ خبر نہیں عوامی فلاح کے لئے آئے ہوئے کڑوڑں روپئے کھانے والے کون ہے کسی کو کچھ پتہ نہیں۔ سوال یہ پیدا ہوتا ہے کہ کڑوڑوں روپئے کھا کر بھی پوچھنے والا کیوں نہیں۔ اہل علاقہ نے حکومت اور خصوصا نیب سے مطالبہ کیا ہے زمہ داروں کے خلاف کاروئی کی جائے خصوصا اس محکمہ کے خلاف جس کے زیر انتظام یہ پروجیکٹ بننا تھا۔