سیکرٹیری برقیات گلگت بلتستان شعر شاعری اور میوزک میں مصروف، لوڈشیڈنگ نے عوام کا جینا دوبھرکردیا۔

گلگت (ڈسٹرک رپورٹر) سیکرٹیری برقیات ظفر وقار تاج اپنی تمام تر ذمہ داریایوں کو ایک طرف رکھ کر شعر شاعری اور میوزک کی تیاریوں میں مکمل طور پر مصروف نظر آتا ہے۔ دوسری طرف گلگت بلتستان کے تمام اضلاع میں کم سے کم بیس گھنٹوں کی لوڈشیڈنگ نے عوام کا جینا محال کیا ہوا ہے لیکن ادارے کو اس سے کوئی غرض نہیں ۔ گلگت بلتستان پاکستان کو حسین خطہ ہے جہاں نہایت ہی آسانی کے ساتھ قلیل مدت میں کثیر بجلی پانی کے ذریعے پیدا کیا جاسکتا ہے اور پن بجلی سے نہ ہی خطہ مستفید ہوسکتا ہے بلکہ سستے داموں بجلی پیدا کرکے شہری نرخ پر پاکستان کے مختلف شہروں کو بجلی فراہم کرکے نہ صرف پاکستان میں بجلی کی لوڈشیڈینگ میں مدد گار ثابت ہوسکتا ہے بلکہ گلگت بلتستان کے قومی خزانے کو بھی بہت ذیادہ فائدہ پونچ سکتا ہے۔ بدقسمتی سے اس وقت گلگت بلتستان کے تمام سرکاری دفاتر میں صرف اخباری بیانات کی حد تک کام ہورہا ہے اور خود وزیر اعلی خطے کی ترقی کیلئے مقامی اخبارات میں بلند بانگ دعوں کے ذریعے وقت گزاری کررہا ہے۔یہی وجہ ہے تمام محکموں کے سیکرٹیرز کو اپنی ذمہ داریوں کا کوئی احساس نہیں بلکہ وزیر اعلی کو شعر سُنا کر داد وصول کرنے کو اپنی ذمہ داری سمجھتے ہیں۔
عوامی حلقوں نے چیف سیکرٹیری سے مطالبہ کیا ہے کہ سیکرٹیرز کا بھی نیب کے ذریعے مالیاتی معاملات کی چھان بین کرائیں تاکہ افسر شاہی کا خاتمہ ہوسکے اور خطے کے عوام نے نام مراعات وصول کرنے والوں کو عوامی مسائل اور اُس کی حل کیلئے بھی کچھ فکر لاحق ہوجائے۔