حکومتی عدم توجہی کا شکار سیاحتی ضلع کھرمنگ کے دو اہم سیاحتی مراکز سہولیات سے خالی مسائل سے لیس۔

کھرمنگ(قاسم قاسمی) گلگت بلتستان کو سیاحوں کی جنت کہتے ہیں لیکن سہولیات کی عدم دستیابی اس صنعت کیلئے ایک بڑا چیلنج ہے جسکا ادارک کرنے والا کوئی نہیں۔ کچھ ایسے ہی مسلے سے ضلع کھرمنگ کے سیاحتی مراکزبھی دوچار ہیں۔ کھرمنگ میں و یسے تو سیاحت کے حوالے سے بیش بہا قدرتی مواقع موجود ہیں لیکن لائن آف کنٹرول کا علاقہ ہونے اور اس ضمن میں وار زون کا تعین نہ ہونے کی وجہ سے ضلع کھرمنگ کے سیاحت کو بہت ذیادہ نقصان پونچ رہا ہے۔ اس وقت طولتی سے اوپر کا علاقہ وار زون میں شامل ہونے کی وجہ سے ضلع کھرمنگ میں غیر ملکی سیاح کا داخلہ منع ہے اور ملکی سطح کے سیاح کو بھی طولتی سے اوپر جانے نہیں دیتے، حالانکہ ضلع کھرمنگ کے LOC سب پرُامن ہے۔ دوسری طرف پچھلے کئی سالوں سے منٹھوکھا آبشار اور خاموش آبشار سیاحت کے حوالے سے پہچانے جاتے ہیں لیکن ان دونوں مقامات پر سہولیات بلکل نہ ہونے کے برابر ہے اس وجہ سے یہاں سیاحوں کے ساتھ مقامی آبادی کو بھی پریشانیوں کر سامنا کرنا پڑتا ہے۔ کیونکہ ان دونوں مقامات حکومت کی طرف سے صفائی کا کوئی مناسب انتظام نہیں جوکہ ماحولیاتی آلودگی کا سبب بن رہا ہے، اور نہ ہی متعلقہ تھانے کی طرف سے مناسب سکیورٹی کا کوئی انتظام کیا ہوا ہے۔ یہی وجہ ہے کہ اکثر اوقات باہر سے آئے ہوئے اوباش لڑکوں کی شیطانیاں اور حرکتوں نے علاقے کی خواتین کیلئے راہ چلنا مشکل جاتے ہیں جوکہ معاشرتی اقدار کی پامالی ہے۔ منٹھوکھا ندی جہاں سے پورے علاقے کے لوگوں کو پانی سپلائی کیا جاتا ہے لیکن آبشار کے اردگرد پر باتھ روم اور سوریج کا مناسب انتظام نہ ہونے کے سبب ندی کا پانی مضر صحت بنتی جارہی ہے جو آنے والے وقتوں میں مزید خطرناک صورت حال اختیار کرسکتا ہے۔ حکومت کو چاہئے کہ سیاحت کی فروغ کے ساتھ ماحولیاتی آلودگی کو کم کرنے اور قدرتی طور پر صاف شفاف پانی کے ندیوں کی بچاو کیلئے عملی اقدمات اُٹھائیں اور ضلع کھرمنگ میں از سرنو وار زون تعین کریں تاکہ ضلع کھرمنگ میں سیاحت کو فروغ ملے جس سے نہ صرف یہاں کے عوام کو فائدہ کو بلکہ حکومت خزانے کو بھی خوب فائدہ پونچ سکتا ہے۔ محکمہ صحت ماحولیات اور سیاحت کے ذمہ داران کو بھی چاہئے کہ ضلع کھرمنگ میں سیاحت کے مسائل اور سہولیات نہ ہونے کی وجہ سے پیدا ہونے والے ماحولیاتی آلودگی اور خاص طور پر صاف شاف ندیوں کے پانی جو گٹر کی صورت اختیار کررہا ہے اس حوالے سےمثبت اقدامات اُٹھائیں۔