اہم خبریں

مسلم لیگ ن شگر کے رہنمائوں کا ڈپٹی کمشنر سے ملاقات،علاقائی مسائل کی حل کا مطالبہ۔

شگر(عابدشگری)مسلم لیگ ن شگر کے صدر طاہر شگری،حاجی وزیرفداعلی اور حاجی رضا خان اور دیگر رہنمائوں نے ڈپٹی کمشنر شگر زاکر حسین سے ملاقات کی۔ ملاقات میں کونسل مراپی میں ہونے والے دریائی کٹاؤ کی جانب ڈپٹی کمشنر شگر کی توجہ دلائی۔ اس موقع پر حاجی وزیر فدا علی صاحب نے ڈی سی شگر کو تفصیلی بریفنگ دیتے ہوئے کٹاؤ کے حوالے سے اپنے اور مراپی کے عوام کی طرف سے حدشات سے آگاہ کیا۔ اور دریا کا رخ تبدیل کرنے پر زور دیا۔جس پر ڈپٹی کمشنر ذاکر حسین نے وفد کے ہمراہ دریائی کٹائو سے متاثرہ جگوں کو دورہ کیا اور یقین دہانی کرائی کچھ دن بعد بمعہ انجینئر ز و عملہ دورہ کرکے اس پر کام جلد سے جلد شروع کرایا جائے گا اور عوام کو اس میں تعاون کی یقین دھانی کرائی ہے۔ یاد رہیں دریائی کٹاؤ کی وجہ سے گزشتہ 30 سالوں میں یونین کونسل مراپی سے ابتک 15 سے 20 ہزار کنال لوگوں کی زرعی اور لب دریا سیکڑوں درختوں کو دریا کے موجوں نے اپنی لپیٹ میں لیا ہے۔ دورے کی دعوت مسلم لیگ ن شگر کی طرفسے دیا تھا۔ اس موقع پر اس اہم ایشو کو اٹھانے پر حاجی وزیر فدا علی، طاہر شگری کا شکریہ ادا کیا۔ ڈی سی شگر کیساتھ دورہ کرنے والوں میں اقبال کریمی، اقبال پلدے، ماسٹر حاجی رضا خان، حاجی علی اور شیر علی سٹی صدر ن لیگ شامل تھے