اہم خبریں

بلوچستان کے بعد گلگت بلتستان کے ناراض وزراء میں بھی ہمت آگئی۔

گلگت ( ڈسٹرک رپورٹر) بلوچستان میں پاکستان مسلم لیگ نون کے حکومت کا تختہ اُلٹنے کے بعد تبدیلی کی ہواوں نے گلگت بلتستان کا رُخ کرلیا۔ تفصیلات کے مطابق گلگت بلتستان قانون ساز اسمبلی میں بھی مسلم لیگ نون کی حکومت کے خلاف کچھ ناراض ممبران نے اپوزیشن کو عدم اعتماد کیلئے اُکسانا شروع کیا ہے۔ مسلم لیگ نون کے کچھ ناراض اراکین نے اسمبلی کے فلور سے باہر حفیظ الرحمن کے خلاف مختلف ضلعوں میں پارٹی کے ناراض لوگوں سے رابطے بڑھا دیئے ہیں دوسری طرف وزیر اعلی کے منطور نظر وزراء اور مشیروں نے بھی وزیر اعلی بچاو ڈپلومیسی کے تحت ناراض اراکین کو منانے کیلئے حکمت عملی تیار کررہا ہے۔
گلگت بلتستان کے سیاسی امور کے ماہرین کا اس حوالے سے کہنا ہے کہ اگلے کچھ مہینوں بعد گلگت بلتستان کی حکومت کیلئے ویسے بھی سیاسی مسائل کا سامنا رہے گا اور اگر وفاق کے ساتھ گلگت بلتستان میں بھی الیکشن کرانے کی خبروں پر عمل درآمد ہوجاتے ہیں تو حفیظ الرحمن کیلئے گلگت بلتستان میں حکومت کرنے کا پہلا اور آخری چانس ہے دوسری طرف عوام میں حالیہ ٹیکس مخالف تحریک میں عوام دشمن پالیسوں کی وجہ سے شدید غم غصہ پایا جاتا ہے جسکا اظہار عوام نے اگلے الیکشن میں کرنا ہے۔