اہم خبریں

امریکا کا پاکستان کی مالی اور فوجی امداد روکنے کا اعلان

واشنگٹن (ویب نیوز) امریکی وزیر خارجہ کی ترجمان ہیدر نورٹ نے پریس بریفنگ میں کہا ہے کہ اب پاکستان کو نہ تو فوجی سازو سامان دیا جائے گا نہ سیکیورٹی کی مد میں فنڈز فراہم کیا جا ئے گا، افریکی انتظامیہ پاکستان کی امداد میں کٹوتی کا تخمینہ لگا رہی ہے کہ کتنے ملین ڈالر کاٹے جا رہے ہیں۔
ترجمان نے کہاہے کہ پاکستان کی امداد فیصلہ کن اقدامات پر بحال ہو سکتی ہے ، اور تب ہی ہوگا جب پاکستان حقانی نیٹ ورک اور افغان طالبان کے خلاف فیصلہ کن کاروائیاں کرے گا کیوں کہ یہ گروپ خطے کو عدم استحکام سے دوچار کر رہے ہیں اور افغانستان میں ہماری اتحادیوں پر حملوں میں ملوث ہیں۔
واضح رہے کہ ٹرمپ انتظامیہ نے قبل ازیں پاکستان کی 225ملین ڈالر امداد روکنے کا اعلان کیا تھا، اقوام متحدہ میں امریکہ کی مستقل مندوب نکی ہیلی نے امداد روکے جانے کی تصدیق کی ہے۔