اہم خبریں

سکردو میں وزیر اعلیٰ کے خلاف تاریخی احتجاج۔شیعہ سُنی اتحادکے فلک شگاف نعرے۔

سکردو( نامہ نگار) گزشتہ دنوں اسلام آباد میں پریس کانفرنس میں ٹیکس کے خلاف عوامی احتجاج کو فرقہ وارانہ خاص طور اہلیان بلتستان کو مسلک کی بنیاد پر احتجاج کرنے کے الزام پر آج نماز جمعہ کے بعد یادگار شہداء سکردو پر ہزاروں افراد نے وزیر اعلیٰ گلگت بلتستان ،اسپیکر فدا محمد ناشاد،سنئیر وزیر حاجی اکبر تابان سے اظہار بیزاری کرتے ہوئے اُن کے خلاف فلک شگاف نعرے لگائے اور وزیر اعلیٰ کے الزامات پر بلتستان سے تعلق رکھنے والے اراکین قانون ساز اسمبلی کی مکمل خاموشی عوام نے اُنہیں بھی بلتستان کا مجرم قرار دیا۔ اس موقع پر خطاب کرتے ہوئے ممتاز عالم دین آغا علی رضوی نے کہا کہ مسلک اہل سُنت ہمارے بھائی ہیں اور ہمارے دل میں بستے ہیں یہ ہمارے ایمان کا حصہ ہے لیکن حفیظ الرحمن نے بلتستان کے لاکھوں عوام کو راء کا ایجنٹ اور مسلکی احتجاج قرار دیکر اس بات کو واضح کردیا ہے کہ گلگت بلتستان میں فساد کی جڑ ادراصل یہی لوگ ہیں جنکا کسی مسلک سے کوئی تعلق نہیں۔