اہم خبریں

پنجاب یونیورسٹی میں گلگت بلتستان کے مختص کوٹہ کو کم کر دیا گیا ہے ،جو کہ گلگت بلتستان کے طلبہ کے ساتھ زیادتی ہے ، وزیر اعلی گلگت بلتستان نوٹس لے۔ عیسیٰ خان دانش

چلاس(بیورورپورٹ)تحریک انصاف سٹوڈنٹس فیڈریشن کے صدر عیسی خان دانش نے اپنے ایک بیان میں کہا کہ پنجاب یونیورسٹی میں گلگت بلتستان کے مختص کوٹہ کو کم کر دیا گیا ہے ،جو کہ گلگت بلتستان کے طلبہ کے ساتھ زیادتی ہے ۔انہوں نے کہا کہ پنجاب یونیورسٹی ایک بڑی ریسرچ یونیورسٹی ہے اور اس یونیورسٹی میں درجنوں شعبے ہیں لیکن اس یونیورسٹی میں گلگت بلتستان کا کوٹے کیلئے صرف ۴ سیٹیں مختص ہیں جو کہ یہاں کے طلبہ و طالبات کے ساتھ زیادتی کے مترادف ہے ۔انہوں نے کہا کہ وزیر اعلی گلگت بلتستان نوٹس لیکر پنجاب حکومت کو یونیورسٹی میں جی بی کے کوٹہ میں آضافہ کرنے کی درخواست کریں اور کوٹہ کو بڑھایا جائے ۔