عوامی ایکشن کمیٹی اور انجمن تاجران گلگت بلتستان کا 23 نومبر کے بعد کی صورت حال پر لائحہ عمل طے کرنے کیلئے اہم اجلاس عوامی رابطہ مہم بڑھانے کا فیصلہ۔

گلگت ( تحریر نیوز)عوامی ایکشن کمیٹی ،انجمن تاجران آل پارٹیز اتحاد گلگت بلتستان کی میٹنگ روپال ہوٹل گلگت میں منعقد ہوئے۔ میٹنگ میں عوامی رابطہ مہم کیلئے پورے گلگت بلتستان کی سطح پر دورے کا فیصلہ کیا ہے۔پہلے مرحلے چیرمین عوامی ایکشن کمیٹی مولانا سلطان رئیس کی قیادت میں بلتستان کا دورہ کرے گا جہاں انجمن تاجران بلتستان اور دیگر سٹیک ہولڈر سے میٹنگ ہوگی اور انجمن تاجران بلتستان کی جانب سے اعلان کردہ سول نافرانی کے حوالے سے تفصیلی بات چیت ہوگی۔ اس حوالے سے راجہ میر نواز میر ممبر کور کمیٹی آل پارٹیز اتحاد/انجمن تاجران /عوامی ایکشن کمیٹی گلگت بلتستان نے بتایا کہ 23 کو ممکنہ حکومتی اقدامات اور سول نافرمانی کے جو اعلان کیا ہے اس پر بھی تفصیلی طور پر غور کی گئی اور مطالبات منظور نہ ہونے کی صورت میں اگلا لائحہ عمل روڈ بلاک،ہڑتال،دھرنا کے حوالے سے بھی تجاویز پر بھی غور کی گئی ہے۔ اُنکا کہنا تھا کہ دوسرے مرحلے میں ہم انجمن تاجران سکردو کے ساتھ ملکر مشترکہ لائحہ عمل طے کریں گے اور ان تمام معاملات میں عوامی حقوق اور قانون کی پاسداری کو ملحوظ خاطر رکھا جائے گا۔