0
0
سکردو(پ ر) چیف سیکٹری گلگت بلتستان محی الدین احمد وانی کی ذیر صدارت گلگت بلتستان میں سیاحت کے فروغ اور دیگر ترقیاتی امور سے متعلق اہم اجلاس منعقد ہوا جس میں کمشنر بلتستان ڈویژن کے علاوہ بلتستان انتظامیہ کے ضلعی سربراہان نے شرکت کی جبکہ وڈیو لنک کے زرئعےسیکریٹری داخلہ، سیکٹری سیاحت، سیکٹری پلاننگ اینڈ ڈویلپمنٹ، سیکریٹری تعلیم، کمشنر گلگت، کمشنر دیامر استور ڈویژن اور تمام اضلاع کے ڈپٹی کمشنرز نے شرکت کی۔ اجلاس میں ڈپٹی کمشنرز نے سیاحت کے فروغ کیلئے اہمیت کے حامل منصوبوں کے اجراء کیلئے تجاویز پیش کیں۔ اس موقع پر چیف سیکریٹری گلگت بلتستان نے شرکاء کو ہدایات دیں کہ گلگت بلتستان میں سیاحت کے فروغ اور ترقی کیلئے مناسب اور بروقت منصوبہ بندی کی ضرورت ہے۔ کمشنر بلتستان کو یدایت ہوئ کہ بلتستان کے تمام اضلاع سے سیاحت کے فروغ اور شہروں کی خوبصورتی کے حوالے سے تجاویز لے کر اسی ہفتے پلاننگ ڈیپارٹمنٹ بھیجی جائیں تاکہ منظوری کے بعد جلد کام کا آغاز ہوسکے نیز علاقے میں آنے والے سیاحوں کو سہولیات بہم پہنچائی جائیں۔ انہوں نے کمشنر بلتستان اور ڈائریکٹر جنرل سکردو ڈویلپمنٹ اتھارٹی کو ہدایت دی کہ شہروں کی خوبصورتی کیلئے جاذب نظر اور روایتی تاریخی فن تعمیر کی عکاسی پر مشتمل چوراہوں، بس اڈوں اور دیگر سیاحتی مقامات کی تعمیر، تزئین و آرائش کے منصوبے بنائے جائیں۔ انہوں نے شہر اور سیاحتی مقامات میں بہتر صفائی کیلئے مربوط اقدامات اٹھانے کی ہدایات دیں۔
انہوں نے ہدایت دی کہ ہر ڈویژن سے اعلی کارکردگی اور تخلیقی صلاحیتوں کے حامل دس مرد اور دس خواتین اساتذہ کی نشاندہی کی جائے جن کو تعریفی اسناد دی جائینگی تاکہ اساتذہ میں مقابلے کا رجحان پیدا ہو اور ان کی پیشہ ورانہ استعداد میں اضافہ ہو سکے۔ جناب چیف سیکریٹری گلگت بلتستان سے پریس کلب سکردو کے ایک نمائندہ وفد نے ملاقات کی جس میں علاقائی مسائل کے علاوہ صحافیوں کو درپیش مشکلات سے جناب چیف سیکریٹری کو آگاہ کیا گیا۔ انہوں نے یقین دلایا کہ علاقائ مسائل اور صحافیوں کے مسائل کے حل کیلئے ہر ممکن اقدامات کئے جائینگے۔ جناب چیف سیکریٹری گلگت بلتستان نے آج ایڈمن کمپلیکس میں بطرف چھومک سکول کےبچوں کے ہمراہ صدا بہار پودے نصب کرکے شجرکاری مہم میں بھی حصہ لیا۔ اس موقع پر کمشنر بلتستان ڈویژن، کنزرویٹر فارسٹ بلتستان سرکل، ڈائریکٹر ایجوکیشن بلتستان ڈویژن، چاروں اضلاع کے ڈپٹی کمشنرز اور ڈویژنل فارسٹ آفیسر اور کثیر تعداد میں طلباء موجود تھے۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا