اہم خبریں

سکردو روڈ بلاک ہونے سے عوام مہنگے داموں اشیاء خوردونوش خریدنے پر مجبور ہیں پرائس کنٹرول کمیٹی غیر فعال ہیں اعلی حکام فوری نوٹس یوتھ ایکشن کمیٹی سکردو

سکردو(پ ر) یوتھ ایکشن کمیٹی سکردو کے صدر مظاہر حسین نے کہا کہ سکردو روڈ کی بندش سے سکردو میں پیٹرولیم مصنوعات،مرغی،گوشت سمیت دیگراشیائے خوردونوش کی قلت ہورہی ہے۔
سبزیوں کی قیمتیں آسمان کو چھو رہی ہیں۔
پرائیس کنٹرول کمیٹی غیر فعال ہونے کی وجہ سے عوام مہنگے داموں اشیاء خریدنے پر مجبور ہیں۔
ضلعی انتظامیہ کے پاس ایڈیشنل کے نام پر آفیسروں کی فوج ظفر موج ہونے کے باوجود ان امور میں دلچسپی لینے کی وجہ سے عام عوام کو پریشانی اور مشکلات کا سامنا ہے۔
کمشنر بلتستان ڈویژن اور ڈی سی سکردو فوراً معاملے کا نوٹس لیں اور پرائیس کنٹرول کمیٹی کو فعال کریں۔
کچھ آفیسران معاملات کی نشاندھی کرنے پر سیخ پا ہوجاتے ہیں اور الٹا نشاندھی کرنے والوں کو بتا بھلا کہتے ہیں اور اپنے عہدے کا رعب جمانے کی کوشش کرتے ہیں اور یہاں تک بھی کہہ جاتے ہیں کہ ہم کسی کو جواب دہ نہیں ہیں۔
اگر یہی صورتحال رہی تو ہم بھی احتجاج کرنے پر مجبور ہوجائینگے۔