0
0
سکردو(پ ر) بلتستان جیمز اینڈ منرل ایسوسی ایشن کا باقاعدہ قیام عمل لایا گیا اور کابینہ تشکیل دے دی گئی اور پہلی میٹنگ قراقرم ہوٹل سکردو میں منعقد کی گئی جس میں بلتستان ریجن سے تعلق رکھنے والے لیز ہولڈرز نے شرکت کی اور منرل کی صنعت کو درپیش مسائل اور چیلنجز پر تفصیلی غور و خوض کیا گیا اور اس بات پر انتہائی افسوس کا اظہار کیا گیا کہ مائیننگ کنسیشن رول 2016 اور 2019 کے واضح قوانین کے مطابق عمل درآمد نہ ہونے کی وجہ سے تمام سرمایہ کاروں کا ناقابل تلافی نقصان ہوا اور بلا جواز پابندیوں کی وجہ سے سرمایہ کاروں کا اعتماد ٹوٹنے کے ساتھ ساتھ لیز ہولڈرز شدید مالی و زہنی پریشانی کا شکار ہوئے ہیں ۔
تمام ممبران نے متفقہ طور پر حکومت اور حکام بالا سے مطالبہ کرتے ہوئے قرارداد منظور کیا کہ فوری طور پر لیز کے اجراء پر وقتا فوقتا بے جا پابندی کا خاتمہ کیا جائے اور لیز ہولڈرز کو گورنمنٹ کی طرف سے ہر ممکن تعاون اور مدد فراہم کر کے معدنیات کے کام کو رواں دواں کیا جائے اور غیر ملکی سرمایہ کاروں کا اعتماد بحال کیا جائےتاکہ علاقے سے غربت اور بے روزگاری کا خاتمہ کیا جا سکے۔
اجلاس میں بلتستان ریجن کے لیز ہولڈرز پر مشتمل ایسوسی ایشن کے قیام کے ساتھ ساتھ عبوری کابینہ کا قیام بھی عمل میں لایا گیا اور غلام مرتضی صاحب کو چیئرمین جبکہ آغا حیدر شاہ صاحب کو وائیس چیرمین منتخب کیا گیا اور جنرل سیکریٹری کی ذمہ داری خواجہ شبیر احمد راجپوت کو سونپی گی ہے اور ایڈیشنل جنرل سیکریٹری کی ذمہ محمد ایوب صاحب جبکہ ڈپٹی جنرل سیکریٹری کی ذمہ داری حاجی محمد رضا کو دی گئی ہے۔ محمد غازی صاحب کو سیکریٹری فائینانس، محمد علی کو ڈپٹی سیکریٹری فائینانس اور کاچو سلامت علی خان کوسیکریٹری اطلاعات منتخب کیا گیا۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا