ضلع کھرمنگ کے مسائل کی نشاندہی وزیر اعلیٰ حفیظ الرحمن کیلئے ناقابل برداشت۔

کھرمنگ(ٹی این این) وزیر اعلیٰ حفیظ الرحمن کا گلگت بلتستان کے مختلف اضلاع کے حوالے سے فیصلے پسند ناپسند اور تعصب کی بنیاد پر کرنے کےحوالے سے عوامی حلقوں میں شکوک شبہات اور شکایات کا سوشل میڈیا پرچرچہ ہے لیکن ضلع کھرمنگ کے حوالے اُنکا خصوصی طور پر تعصب کسی سے ڈھکی چُھپی نہیں۔ ضلع بننے سے لیکر آج تک ضلع کھرمنگ کو جن مسائل سے دوچار ہیں اس حوالے سے اُن کا نظر انداز کرنا اور دیگر اضلاع کے مقابلے میں ضلع کھرمنگ کونظر انداز کرنےپر سوشل میڈیا پر ضلع کھرمنگ سے تعلق رکھنے والے افراد کے شکوہ کرتے بھی نظر آتا ہے۔ ایسا ہی واقعہ گزشتہ ہفتے پیش آیا جب ضلع کھرمنگ سے تعلق رکھنے والے سوشل ایکٹیوسٹ اور کالم نگار صحافی شیر علی انجم نے شاہراہ کھرمنگ پر ایک پڑی جو گرنے کے قریب ہے اور کسی وقت بڑے حادثے کا سبب بن سکتا ہے،اس حوالے سےایک خبراُن کےنوٹس میں لانے کی کوشش کی تو وہ ناراض ہوگئے۔ اُن کے مطابق چونکہ میں نے سوشل میڈیا پر دیکھا کہ وزیر اعلیٰ فیس بُک کے پوسٹ اور خبروں پر ایکشن لیتے ہوئے ہر خبر سے متعلق اپنے فیس بُک پیج پر ایکشن لینے سے متعلق پوسٹ کرتے ہیں۔یہی وجہ تھی کہ میں نے شاہراہ کھرمنگ مہدی آباد اور غاسنگ کے حدود پر واقع نقپو پڑی پر جو پہاڑ سرک رہا ہے اُس حوالے سے ایک خبر اُنکو ٹیگ کیا تاکہ ایکشن لے سکے۔ اُن کا کہنا تھا کہ کئی دنوں تک جب کوئی نوٹس نہیں لیا اُنہوں نے چیک کیا تو معلوم ہوا کہ وزیر اعلیٰ نے اُس خبر سے ٹیگ کو ہٹا کر اُنہیں فیس بُک فرینڈ لسٹ سے ہی خارج کردیا ہے۔ اُنکا مزید کہنا تھا کہ بلکل اسی طرح اُنہوں نے ایفادپراجیکٹ کے حوالے سے ضلع کھرمنگ کو دیگر اضلاع سے کہیں ذیادہ ضرورت ہونے کے باوجود مکمل طور پر نظرانداز کیا ،سیاحت اور صحت کو درپیش مسائل کی طرف مسلسل نشاندہی کے باوجود کوئی نوٹس نہیں لیا اس سے صاف ظاہر ہورہا ہے ضلع کھرمنگ کےمسائل کو وہ کس قدر نظرانداز کرتے ہیں۔