اہم خبریں

سوشل ایکٹوسٹ حسنین رمل کی انسداد دہشت گردی کے عدالت میں پیشی،رہائی خاموشی سے مشروط جج نے ضمانت مسترد کردی۔

گلگت( تحریر نیوز) گلگت بلتستان کے قومی حقوق کیلئے سوشل میڈیا پر متحرک حسنین رمل کو آج انسداد دہشگردی کی عدالت میں پیش کیا گیا۔ وکیل کی طرف سے درخواست ضمانت جمع کرنے پر جج نے ضمانت کو خاموشی سے مشروط کیا تو وکیل کی جانب سے جرم کے حوالے سے استفسار کرنے پر جج نے کہا کہ حسنین رمل لکھ کر دے کہ آئندہ سوشل میڈیا پر حقوق کی بات بلکل نہیں کرے گا وہ خاموشی سے اپنی زندگی گزاریں گے۔ حسنین رمل نے ردعمل کا اظہار کرتے ہوئے کہا کہ میں نے کوئی غیر قانونی کام نہ کیا اور نہ کرنے کا ارادہ ہے لہذا قومی حقوق کے حوالے سے خاموشی مجھے منظور نہیں چاہئے مجھ پر کتنا بھی ظلم ڈھایا جائے۔

اُنکے وکیل کا کہنا تھا کہ اب ہم چیف کورٹ میں اُنکی ضمانت کیلئے درخواست دائر کریں گے۔