ضلع کھرمنگ لائن آف کنٹرول کے قریب آسمانی بجلی گرنے سے تباہی مچ گئی،عوام نے فورس کمانڈر سے بڑا مطالبہ کردیا۔

کھرمنگ(ٹی این این) ضلع کھرمنگ لائن آف کنٹرول کے قریبی علاقے یونین کونسل حمزہ گوند کے گاوں گنوخ میں آسمانی گرنے سے تباہی مچ گئی جس کے نتیجے میں 7 گھر مکمل طور پر تباہ اور کئی گھروں کو جزوی نقصان پونچا ہے۔ ضلع کھرمنگ سے تعلق رکھنے والے مزدور رہنما آخوند غلام محمد نے ہمارے نمائندے کو بتایا کہ آسمانی بجلی گرنے کی وجہ سے گنوخ میں نظام زندگی مکمل طور پرمفلوج ہوچُکی ہے آسمانی بجلی گرنے کی وجہ سے جہاں عوامی املاک کو شدید نقصان پونچا ہے وہیں موبائل سروس اور بجلی اور سڑک بھی اس ذد میں آکر گاوں کا دیگر علاقوں سے رابطہ مکمل طور پر منقطع ہوچُکی ہے۔ اُنکا کہنا ہے جو گھر تباہ ہوئے ہیں اُن میں بچے بوڑھے اور مریض بھی ہیں لیکن عدم سہولیات اور حکومتی عدم توجہی کے سبب گزشتہ تین روز سے کھلے آسمان تلے میں زندگی گزارنے پر مجبور ہیں۔ اُنہوں نے گنوخ کے عوام کی جانب سے فورس کمانڈر گلگت بلتستان سےپُرزور اپیل کیا ہے کہ لائن آف کنٹرول کے پاس رہنے والے شہریوں کے مسائل کی طرف مسلسل حکومتی عدم توجہی کا نوٹس لیں اور گنوخ میں آسمانی بجلی گرنے کی وجہ سے جو عوامی املاک زرعی زمینوں کو نقصان پونچا ہے اُس کی بحالی اور معاوضوں کیلئے ضلع کھرمنگ انتظامیہ حکم دیں اور جن 7 افراد کا گھر مکمل طور پر تباہ ہوچُکی ہے اُن کو نیا گھر بنا کر دیں تاکہ لائن آف کنٹرول کے قریب رہنے والے عوام کی مایوسیوں میں کچھ کمی آسکے۔