اہم خبریں

متوقع نئے گورنر اسٹیٹ بنک سے آئی ایم ایف کا خاص تعلق،بڑی خبر آگئی۔

اسلام آباد (ٹی این این) پاکستان تحریک انصاف (پی ٹی آئی) حکومت کی جانب سے ڈاکٹر رضا باقر کو گورنر سٹیٹ بینک بنائے جانے کا امکان ہے۔نجی ٹی وی دنیا نیوز کے مطابق ڈاکٹر رضا باقر اس وقت انٹرنیشنل مانیٹرنگ فنڈ(آئی ایم ایف) کیلئے مصر میں کام کر رہے ہیں جبکہ وہ اس سے پہلے آئی ایم ایف کے رومانیہ میں کنٹری ہیڈ تھے۔ ڈاکٹر رضا باقر نے کیلیفورنیا سے ڈاکٹریت کی ڈگری حاصل کر رکھی ہے۔واضح رہے کہ گورنر سٹیٹ بینک طارق باجوہ اور چیئرمین ایف بی آرمحمد جہانزیب خان کوعہدوں سے ہٹادیا گیاہے اور بتایا گیا کہ وفاقی حکومت نے یہ فیصلہ موجودہ اقتصادی صورتحال کومد نظر رکھتے ہوئے معاشی چیلنجز سے نمٹنے کیلئے کیا ہے۔ سٹیٹ بینک کے ذرائع کے مطابق وزیر اعظم عمران خان نے گورنر سٹیٹ بینک سے استعفیٰ طلب کیا تھا جس پر گورنر سٹیٹ بینک نے عہدے سے استعفیٰ دیدیا۔