اہم خبریں

شاہ محمود قریشی جہانگیر ترین کے خلاف کھل کر سامنے آگیا، اجلاس میں شرکت توہین عدالت قرار۔

لاہور (ویب ڈیسک/ٹی این این) تحریک انصاف کے دو بڑوں کے اختلافات پھر کھل کر سامنے آگئے۔ وزیرخارجہ شاہ محمودقریشی نے کہا کہ جہانگیر ترین کے کابینہ اجلاسوں میں شرکت پر اپوزیشن جماعتوں کو کھل کر بولنے کا حق مل جاتا ہے۔صوبائی دارلحکومت میں پریس کانفرنس کرتے ہوئے وزیر خارجہ شاہ محمود قریشی کا کہنا تھا کہ جہانگر ترین کے سرکاری اجلاسوں میں بیٹھنے پر عدلیہ کے فیصلے کی توہین ہورہی ہے۔
شاہ محمود قریشی کا کہنا تھا کہ جہانگرترین کا اجلاسوں میں بیٹھنا رولز آف بزنس کی خلاف ورزی ہے سیکرٹری صاحبان ان کا نہیں وزراء کا حکم ماننے کے پابند ہیں۔ اس سے اپوزیشن کو بات کرنے کا موقع مل رہا ہے۔
شاہ محمود قریشی نے بے نظیر انکم سپورٹ پروگرام کا نام بدلنے کا مشورہ دینے والوں کو نادان دوست قرار دے دیا۔ شاہ محمود قریشی نے ملتان کے ضمنی انتخاب میں کامیابی پر عوام کا شکریہ ادا کیا اور کہا کہ گیلانی خاندان کی کرپشن کو عوام نے مسترد کیا۔
اس حوالے سے سماجی رابطے کی ویب سائٹ ٹوئٹر پر ٹوئٹ کرتے جہانگیر ترین نے کہا ہے کہ صرف ایک شخص ہے جسے لیڈر مانتا اور اسکے سامنے جوابداہ ہوں، وہ لیڈر عمران خان ہیں، ہر اتار چڑھاؤ میں ساتھ رہا اور آخری سانس تک رہوں گا۔