اہم خبریں

گلگت میں محرم الحرام کی مناسبت سے بین المسالک ہم آہنگی کا عملی مظاہرہ، اسماعیلی ریجنل کونسل کے رضا کاروں نے شہر بھر کی صفائی کرکے مثال قائم کردیا۔

گلگت ( نامہ نگار) محرم الحرام اخوت اور بھائی چارگی اور جذبہ ایثار اور قربانی کا درس دیتی ہے، اس فلسفے پر گلگت میں عملی طور پر عوام کو عمل کرتے نظر آیا۔ محرم الحرام کی مناسبت سے اسماعیلی ریجنل کونسل کے سینکڑوں رضاکاروں جن میں مرد عورتیں اور بچے، بوائز سکاوٹس اور گرل گائیڈز بھی شامل تھے نے دنیور ، اوشکھنداس، محمد آباد اور دیگر مضافاتی علاقوں کی سڑکوں ، گلیوں ، مارکیٹوں ، چوراہوں اور پانی کی نالیوں کی صفائی مہم میں حصہ لیا۔ یہ اقدام علاقے میں بسنے والے دیگر مسالک کے پیروکاروں کے لئے قابل تقلید ہے کیونکہ ہمارے عظیم مذہب اسلام نے صفائی کو نصف ایمان قرار دیا ہے۔