اہم خبریں

روندو طورمک کے نواحی گاوں کا اکلوتا پُل خستہ حالی کا شکار،نمائندے غائب عوام نے اپنی مدد آپ کے تحت پُل کی ریپیرنگ کام شروع کردیا۔

سکردو( پ،ر) روندوطورمک کے حلقہ نمبر چار میں کپٹن سکندر اور وزیر حسن کے درمیان ہر الیکشن میں کانٹے دار مقابلہ ہوتا ہے عوام کو دونوں کی جانب سے بلندبانگ دعوے کئے جاتے ہیں۔ لیکن جیت جانے والے امیداوار نے کبھی بھی علاقے کے اہم مسائل کی طرف توجہ نہیں دی جس کی وجہ سے یہ حلقہ تعلیم صحت اور سڑک کے حوالے سے بدحالی کے شکار ہیں۔ طورمک کے گاوں یوچن کیلئے واحد کنکشن پُل گزشتہ کئی سالوں نے قابل استعمال نہیں لیکن عوامی نمائندے صرف الیکشن کے دونوں میں عوام کو دیا کرتے ہیں۔ پُل کی خستہ اور کسی حادثے کے پیش نظر علاقے کے عوام نے اپنی مدد آپ کے تحت دیسی طریقے سے پُل کی رپیرینگ کا کام شروع کیا ہے۔

اہلیان علاقہ نے وزیر اعلیٰ سے اپیل کی ہے کہ اس پُل کی تعمیر کیلئے ایمرجنسی بنیادوں پر فنڈزجاری کریں ورنہ کسی بھی قسم کی جانی نقصان کی صورت میں حکومت ذمہ دار ہونگے۔