اہم خبریں

حکومت نے غیر رجسٹرڈ موبائل فونز بلاک کرنے کی حتمی تاریخ کا اعلان کردیا۔

لاہور(ویب ڈیسک/ٹی این این)وفاقی وزیر مملکت ریونیو حماد اظہر نےلاہور واہگہ بارڈر پر ورلڈ کسٹمز ڈے کی مناسبت سے منعقدہ تقریب سے خطاب کرتے ہوئے کہا ہے کہ 15 فروری کے بعد تمام غیر رجسٹرڈ موبائل فونز بلاک کر دئیے جائیں گے۔
اُنکا کہنا تھا کہ آنے والے دنوں میں ملک کو اسمگلنگ فری ملک بنانے کے حوالے سے اقدامات کئے ہیں، منی بجٹ اصلاحات کیلئے لایا گیا۔ بجٹ اصلاحات سے لوگوں کو ریلیف ملے گا، اس میں کوئی نیا ٹیکس عائد نہیں کیا گیا، اس سے نئی نوکریاں پیدا ہوں گی۔ اُنہوں نے مزید کہا کہ کہ موبائل فون رجسٹریشن میں کوئی توسیع نہیں کی جا رہی، پندرہ فروری کے بعد تمام غیر رجسٹرڈ موبائل فونز بلاک کر دئیے جائیں گے، ایف اے ٹی ایف گرے لسٹ سے جلد نکل جائیں گے۔