0
0
نگر ( بیورو رپورٹ) دونوں مذہبی جماعتوں کے علاوہ باقی تمام وفاقی جماعتوں PPP,PTI اورPMlnکے نمائندے استعفٰی دیں ،آصف زرداری اور نواز شریف تو دنیاوی بڑے منصب پر رہے ان کو چور چورنہ کہیں کیوں کہ ہم خود اپنی مال مویشی کی آزادچرائی کر کے حرام خوری میں ملوث ہیں ۔ شیخ منیر حسین منوری کا مرکزی جامع مسجد شینبر میں نماز جمعہ کے دوسرے خطبے کے دوران اظہار خیال۔ انہوں نے مذید کہا کہ ان وفاقی جماعتوں کے نمائندے اسمبلی کے اندر کچھ اور اور باہر کچھ اور باتیں کرتے ہیں جبکہ دونوں مذہبی جماعتوں نے گلگت بلتستان کے آئینی صوبے کے حوالے سے اپنا موقف واضح کر کے اپنے منشور کے سر فہرست میں رکھا ہوا ہے ۔انہوں نے مذید کہا کہ گلگت بلتستان کی عوام کا بانی پاکستان قائد اعظم محمد علی جناح کے ساتھ تحریری معاہدے ہیں مگر اس کے باوجود ہمیں پاکستان سے دو ر رکھنے اور حقوق نہ دینے کے لئے سازشیں ہوتی رہی ہیں ۔ یہ سازشیں پاکستان کی بقاء کے لئے کام کرنے والے اداروں کے لئے لمحہ فکریہ ہونا چاہیئے ۔ انہوں نے عوام الناس کو بتایا کہ ہمیں اکہتر سالوں تک پاکستان کا مکمل شہری بننے سے روکنے کیلئے کشمیری لابی کا آڑ لیا جاتا ہے ۔انہوں نے گلگت بلتستان کے اسمبلی ممبران سے مطالبہ کیا کہ وہ ان وفاقی جماعتوں سے اور اسمبلی ممبر شپ سے استعفٰی دے کر آئینی حقوق کی جدو جہد کریں تاکہ عوام کا اکہتر سالوں سے جاری مطالبہ اور جد و جہد مکمل ہو جائے ۔ انہوں نے نام لئے بغیر دو مذہبی جماعتوں ایم ڈبلیو ایمMWM اور تحریک اسلامی پاکستان ITPکی طرف اشارہ کرتے ہوئے کہا کہ وفاقی جماعتوں PTI,PMLN اور PPP کے اسمبلی میں موجود ممبران گلگت بلتستان کی آئینی حقوق کی بات ان کے پارٹی منشور میں نہ ہونے کی وجہ سے نہیں کرتے جبکہ دونوں مذہبی جماعتوں نے آئینی حقوق کو اپنی منشور کا سرفہرست مطالبہ رکھا ہوا ہے۔ انہوں نے حلال کمائی اور کھناے کے حوالے سے کہا کہ جب تک ہم اپنی مال مویشیوں کو اازاد چرائی پر چھوڑکر ان کا دودھ پیت ہیں تویہ حرام کھاتے ہیں اور پھر چور زرداری اور نوازشریف کو ٹھراتے ہیں ہمیں آزاد چرائی کے زریعے حرام خوری کرتے ہوئے زرداری اور نواز شریف کو چور نہیں کہنا چاہیئے۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا