اہم خبریں

وزیراعظم عمران خان نے ملک بھر میں کلین اینڈ گرین پاکستان ڈرائیو ایکشن ڈے کا آغاز کر دیا۔

اسلام آباد(ویب ڈیسک) وزیراعظم عمران خان نے ملک بھر میں “کلین اینڈ گرین پاکستان” ڈرائیو ایکشن ڈے کا آغاز کر دیا ہے. عمران خان نے اسلام آباد کے تعلیمی ادارے میں پودا لگا کر منصوبے کا آغاز کیا. وزیراعظم طلباء کے ساتھ مل کر صفائی مہم میں بھی حصہ لیں گے.عمران خان نے بچوں سے اپیل کی کہ وہ اس مہم میں بڑھ چڑھ کر حصہ لیں. انھوں نے کہا کہ شوکت خانم بنانے کے لیے ان کو بہت پیسوں کی ضرورت تھی کسی نے مشورہ دیا کہ بچوں سے مدد مانگو تو میں نے سکول کے بچوں سے مدد مانگی اور انھوں نے شوکت خانم کے لیے کامیاب مہم چلائی. اب کلین اینڈ گرین پاکستان کے لیے بھی مجھے بچوں کی ضرورت ہے ہم نے 5 سال میں 10 ارب درخت لگانے ہیں. پاکستان کا آلودگی میں 7 واں نمبر ہے.
وزیراعظم نے امام مسجدوں سے بھی درخواست کی ہے کہ وہ لوگوں کو صفائی کی اہمیت بتائیں اورعوام میں شعور اجاگر کرنے میں ان کی مدد کریں. پاکستان کے تمام شہر آلودگی سے بھرے ہوئے ہیں. انھوں نے اس بات پر زور دیا کہ اگر ہم نے پاکستان کو ماحولیاتی تبدیلیوں سے بچانا ہے تو درخت لگا کر ماحول کو صاف بنانا ہو گا.