چلاس(تحریر نیوز نیٹ ورک) ضلع دیامر تھورسے تعلق رکھنے والے متاثرین دیامر بھاشا ڈیم متاثرین کی نئی آبادکاری مسلہ گھمبیر صورت حال اختیار کر رہا ہے، واپڈا کے ذمہ داران اور لوکل انتظامیہ نے تھور سے تعلق رکھنے والے دیامر بھاشا ڈیم کے متاثرین سےکئی بار کی ملاقاتوں میں اب تک کوئی مثبت نتیجہ سامنے نہیں آیا جو مستقبل قریب میں بڑے احتجاج کا سبب بن سکتا ہے۔
تھور سے تعلق رکھنے والے متاثرین کا کہنا ہے کہ وہ لوگ کسی بھی صورت معاوضے کی صورت میں نقد رقم لیکر اسلام آباد منتقل ہونے کیلئے تیار نہیں۔ متاثرین کا کہنا ہے کہ حکومت معاہدہ اسلام آباد 2010 پر عمل درآمد کو یقینی بناتے ہوئے اُنہیں معاہدے کے مطابق دیامر میں ہی ماڈل ولیجز کی قیام کو یقینی بنائیں۔
متاثرین نے اس حوالے سے ڈپٹی کمشنر دیامر ایک ایک خط لکھا ہے جس میں کہا ہے دیامر بھاشا ڈیم کے متاثرین اور حکومت کے درمیان 2010 میں اسلام آباد میں ایک معاہدہ ہوا تھا جس کے مطابق حکومت نے متاثرین کیلئے تین ماڈل ولیج ہربن داس،کینوداس اور تھک میں بنانے کا وعدہ کیا تھا جس سے اب منحرف نظر آرہی ہے۔ خط کے مطابق معاہدے میں متاثرین کو ایک کنال زمین اور 6 کنال زرعی زمین مفت دینے کا بھی وعدہ ہے لیکن اب اسلام آباد منتقل ہونے کو کہا جارہا ہے جو کہ معاہدے کی خلاف ورزی ہے اور ہم اس کیلئے بلکل بھی تیار نہیں۔

More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا