اہم خبریں

چین نے سی پیک منصوبوں میں تبدیلی کا عندیہ دے دیا۔

اسلام آباد(ویب ڈیسک) پاکستان میں تعینات چینی سفیر یاؤ جنگ کا کہنا ہے کہ چین ، پاک- چین اقتصادی راہداری ( سی پیک ) منصوبے میں تبدیلیوں کے لیے تیار ہے اور اس حوالے سے پاکستانی حکومت کے ایجنڈے پر عمل کیا جائے گا۔خبر رساں ایجنسی رائٹرز کو دیئے گئے انٹرویو میں چینی سفیر کا کہنا تھا کہ ‘پاکستان سے مشاورت کے ساتھ روڈ میپ تیار کیے جانے کی ضرورت ہے۔
ان کا کہنا تھا کہ ‘ چین صرف اُن ہی منصوبوں کو آگے بڑھائے گا جو پاکستان چاہتا ہے یا جس میں پاکستان کی رضامندی ہوگی ۔چینی سفیر نے مزید کہا کہ بیجنگ ‘بوٹ’ (build-operate-transfer) ماڈل کے لیے بھی تیار ہے اور اپنی کمپنیوں کو سرمایہ کاری کے لیے آمادہ کرے گا۔واضح رہے کہ ‘بوٹ’ ماڈل کے تحت سرمایہ کار یا کمپنی خود پیسے لگا کر پروجیکٹ بنائے گی اور منصوبہ آپریشنل ہونے پر آمدن سے اپنا سرمایہ واپس حاصل کرسکے گی۔