ضلع غذر میں سیلاب کی تباہ حالی کے بعد عوام ہجرت کرنے پر مجبور،حکومتی اراکین کو سلفیاں لینے سے فرصت نہیں۔

غذر( نامہ نگار خصوصی)گلگت بلتستان کے ضلع غذر میں گزشتہ دنوں آنے والے سیلابی ریلے نے کئی مکانات کو لپیٹ میں لیکر تباہ برباد کیا ہے ۔ سیلابی ریلے نے آبادیوں اور سڑ کوں کو بھی شدید متاثر کیا جس کی وجہ سے ضلع غذر کا دیگر علاقوں سے زمینی رابطہ منقطعہونے بعد بعد جزوی طور پر رابطہ سڑک کی بحالی کا جاری ہیں جبکہ سینکڑوں افراد محفوظ مقامات کی طرف نقل مکانی کرگئے ہیں ۔تفصیلات کے مطابق حالیہ بارشوں اور گلیشئر پر برف پگھلنے سے پانی کے بہاؤمیں اضافے کے باعث سیلابی ریلے نے تباہی مچاتے ہوئےآبادیوں اور سڑکوں کو شدید متاثر کیا جبکہ پانچ گھر اور ایک گاڑی سیلابی ریلے میں بہہ گئے ،تاہم کوئی جانی نقصان نہیں ہوا ۔سیلابی ریلے کے نقصان سے بچنے کے لئے سینکڑو ں افراد محفوظ مقامات کی طرف منتقل ہوگئے ہیں جبکہ شدید سیلاب سے ضلع غذر کا دیگر علاقوں سے زمینی رابطہ منقطع ہونے کا خدشہ بھی پیدا ہوگیا ہے ۔گلگت بلتستان ڈیزاسٹر منجمنٹ ہمیشہ کی طرح اس بار بھی کارکردگی دکھانے میں مکمل طور پر ناکام نظر آئے جبکہ مسلم لیگ نون کے حکومتی اراکین سیلاب ذدہ علاقوں میں آکر عوامی زخم پر مرہم رکھنے کیلئے سیلفیاں لیتے رہے۔ دوسری طرف چیف سیکرٹیری گلگت بلتستان کے دفتر سے جاری اعلامئے کے مطابق متاثرین کی امداد کیلئے خیمے پونچا دئے ہیں جبکہ تباہ شدہ علاقوں کی بحالی کیلئے مشینری بھی پہنچا دی گئی ہے۔