اہم خبریں

ضلع گانچھے بلتستان میں محکمہ برقیات کی غفلت نے نوجوان کی جان لے لی۔ عوام سراپا احتجاج۔

گانچھے (روزی محمد ) محکمے برقیات کے عملہ کی غفلت نے نوجوان کی جان لے لی۔تفصیلات کے مطابق سکسا چھوربٹ میں محکمہ برقیات کے عملہ کی لاپرواہی اور غفلت کے باعث بجلی کی مین لائن تار کھیتوں میں پڑی ہوئی تھی جب سکسا کے رہائشی 26سالہ نوجوان طالب کھیتوں کو پانی دینے گئے تو کھیت میں پڑی ہائی وولٹیج بجلی تار کے کرنٹ لگنے سے اپنے جان کی بازی ہار گئے۔ اہل علاقہ نے جگہ جگہ کاٹے ہوئے بجلی تاروں اور عملے کے غفلت کے باعث پیش آنے والے اس واقعہ پر شدید احتجاج کرتے ہوئے اعلیٰ حکام سے معاملہ کی تحقیقات کا مطالبہ کردیا ہے۔ دوسری جانب اہل علاقہ نے صحافیوں سے گفتگو کرتے ہوئے کہا ہے کی پہلے کرنٹ لگنے سے نوجوان جان بجق ہوئے ایک صدمہ پہنچا اور بعد میں سکسا ہسپتال کی ابتر صورتحال نے ایک اور صدمے سے دوچار کردیا سکسا ہسپتال میں موجود ایمبولینس سول لوگوں کے ہونے کے باوجود پاک فوج کے زیر استعمال ہے جس کے باعث میت کو پوسٹمارٹم کےلیے خپلو منتقل کرنے میں شدید مشکلات پیش رہی ۔لواحقین نے سکسا ہسپتال میں سہولیات کی عدم موجودگی پر اظہار تشویش کرتے ہوئے کہا کی ہسپتال صرف عمارت کی حد تک رہ گئی ہے عمارت کے اندر فوری طبعی امداد نہ ہونے کے برابر ہے ۔