وزیر اعلیٰ حفیظ الرحمن کا پیپلزپارٹی کی سیاست پر گہرا ضرب، سنگین الزامات کی بارش۔

نگر(نمائندہ خصوصی) ضلع نگر کے علاقہ شینبر میں عوامی اجتما ع سے خطاب کرتے ہوئے وزیر اعلیٰ گلگت بلتستان حافظ حفیظ الرحمن نے پاکستان پیپلزپارٹی کی سیاست پر گہرا ضرب لگایا۔ اُنہوں نے الزام لگایا کہ پاکستان پیپلزپارٹی ایک طرف خود کوخود کو سیکولر قومی جماعت کہتی ہے۔ مگرحقیقت یہ ہے کہ یہ جماعت مذہبی اور علاقائی پتہ استعمال کرنے کا کوئی موقع ہاتھ سے جانے نہیں دیتے۔ اُنہوں نے الزام لگایا کہ پیپلزپارٹی کے دور حکومت میں گلگت بلتستان کو 315سے زائد لاشوں کا تحفہ دیا۔ اُنکا مزید کہنا تھا کہ گلگت بلتستان کا کوئی بھی ایسا علاقہ نہیں ہے جو پیپلزپارٹی کی فرقہ پرست سیاست سے متاثر نہیں ہوا ہو لاشوں کے تحفے دینے والوں پر سوائے افسوس کے کچھ نہیں ہوتا ہے۔ نگر میں عوام اجتماع سے خطاب کرتے ہوئے اُنکا مزید کہنا تھا کہ ہے پیپلزپارٹی کی وفاق میں بھی حکومت تھی اور گلگت بلتستان میں بھی مگر انہیں عوامی مسائل سے کوئی غرض نہیں تھی۔اُنہوں نے پانچ سال صرف اپنے مال بنانے گزار لئے ، مہدی شاہ نے پانچ سالوں میں چار سال اسلام آباد میں گزارے آدھا سال بیرونی دوروں میں گزارے اسلام آباد اور سکردو میں لاکھوں روپے کرایہ پر گھر بنایا ۔ محکمہ تعلیم کے اساتذہ سے لیکر گریڈ 1تک کی پوسٹوں کو بھی بھیجا گیا ضلع نگر کو اس دور میں یکسر نظر انداز کرکے دیوار سے لگایا گیا پورے پانچ سالوں میں کوئی سڑک، پرائمری سکول ، ہسپتال اور پل نہیں بناسکے اور بعد میں مذہبی پتہ استعمال کرکے یہاں سے جیت گئے ہیں۔