اہم خبریں

سوال کرنے پر مریم نواز صحافی الجھ پڑی، والد سے شکایت۔

اسلام آباد(مانیٹرنگ ڈیسک) سابق وزیراعظم نواز شریف کی صاحبزادی مریم نواز نےایک بار پھر جے آئی ٹی کو شدید تنقید کا نشانہ بناڈالا۔ ایک صحافی نے مریم نواز سے سوال کیا کہ جے آئی ٹی چھ ماہ تک کیا کرتی رہی جو ان کو کیس ثابت کرنے میں اتنی مشکل پیش آ رہی ہے تو مریم نواز نے جواب دیا کہ اب ان کے خلاف بھی جے آئی ٹی ہی بنے گی جو جھوٹے اور بے بنیاد الزام لگانے پر ان سے حساب لے گی۔دریں اثناء اس موقع پر ایک صحافی نے مریم نوازسے سوال کیا جو انہیں ناگوار گزرا اوراس کی شکایت اپنے والد میاں نوازشریف سے کردی ۔مریم نوازنے کہا کہ یہ بہت بدتمیز رپورٹر ہے ،عجیب و غریب سوال کرتا ہے۔لگتا ہے اس صحافی کو سوال فیڈ کروائے جاتے ہیں کیونکہ مذکورہ صحافی نے پچھلی سماعت پر بھی ان سے اسی قسم کے سوال کئے تھے ،اس موقع پر سابق وزیر اعظم نوازشریف نے استفسار کیا کہ یہ صحافی کس ادارے میں کام کرتا ہے ؟نجی ٹی وی 92نیوز کے مطابق اس صحافی کا نام انعام خٹک ہے ۔