کپتان کو بھی سونے کا تاج پہنانے کی تیاریاں مکمل،متوالے آمد کے منتظر۔

گوجرانوالہ( ویب ڈیسک )گوجرانوالہ میں پاکستان تحریک انصاف کے سربراہ عمران خان کے لیے 40تولہ سونے کا تاج اور چاندی کا بلا تیار کرلیا گیا جو انکو جلسے میں پہنایا جائے گا عمران خان آج گوجرانوالہ کاایک روزہ دورہ کریں گے، اس موقع پر انھیں40تولے سونے کا تاج پہنایا جائے گا۔ تفصیلات کے مطابق چیئرمین پی ٹی آئی عمران خان ن آج گوجرانوالہ میں پڑاؤ ڈالیں گے، جہاں ممبرسازی مہم کے حتمی مرحلے کا جائزہ لیں گے اور کارکنوں سے خطاب بھی کریں گے۔عمران خان گوجرانوالہ کے طوفانی دورے کا آغاز دوپہر دو بجے کریں گے، کپتان کوخوش آمدید کہنے کیلئے کھلاڑیوں نے شہر بھر میں استقبالیہ بینرز اور سائن بورڈ آویزاں کر دیئے گئے ہیں۔عمران خان کامونکی سے ممبر سازی مہم کا افتتاح کریں گے اور کھلاڑیوں کا لہو گرمائیں گے، کامونکی کے بعد ایمن آباد موڑ،چنددا قلعہ، شیخوپورہ موڑ سمیت مختلف مقامات پر خطاب بھی کریں گے۔ اس موقع پر عمران خان کو 40تولے سونے کا تاج پہنایا جائے گا جبکہ تحفے میں چاندی کا بلا بھی دیاجائے گا، سونے کے تاج کی مالیت 20لاکھ روپے ہے، تاج کے چاروں اطراف قیمتی پتھر بھی لگائے گئے ہیں۔خیال رہے کہ میاں طارق نے حال ہی میں ن لیگ چھوڑ کر پی ٹی آئی میں شمولیت اختیارکی، جلسے میں ن لیگی ایم این اے میاں طارق پی ٹی آئی میں باقاعدہ شمولیت کا اعلان کرینگےسونے کا تاج اور چاندی کابلا ایم این اے میاں طارق کی جانب سے تیار کرایا گیا۔