اہم خبریں

حکومت نے سرکاری ملازمت کے ساتھ بلواسطہ یا بلاواسطہ صحافت سے منسلک افراد کے خلاف ایکشن لینے کا فیصلہ کرلیا۔

گلگت (ڈسٹرک رپورٹر) گلگت بلتستان میں سوشل میڈیا کے ذریعے سرکاری ملازمت کے ساتھ صحافت کرنے والوں کے خلاف مسلسل عوامی شکایات کے بعد حکومت نے سرکاری ملازم صحافیوں کے خلاف ایکشن لینے کا باقاعدہ نوٹس جاری کردیا۔ محکمہ اطلاعات کی جانب سے گلگت بلتستان کے تمام پریس کلپس کے صدور کے نام جاری نوٹس میں سرکاری ملازمت کے ساتھ پریس کا ممبر ہونے اور صحافت کرنے والے افراد کے خلاف سخت کاروائی کا فیصلہ کرلیا ہے۔ ڈپٹی ڈائریکٹر محکمہ اطلاعات گلگت بلتستان فاروق احمد خان نے تحریر نیوز نیٹ ورک سے خصوصی بات چیت کرتے ہوئے کہا ہے کہ گزشتہ کئی ماہ سے گلگت بلتستان کے کئی سوشل ایکٹوسٹ کی جانب سے اس مسلے کی طرف توجہ مبذول کرایا جارہا تھا لہذا محکمے نے اپنی ذمہ داری کو ادا کرتے ہوئے گلگت بلتستان میں اچھے صحافت کی فروغ کیلئے اپنی ذمہ داری کو نبھاتے ہوئے گلگت بلتستان کے تمام اضلاع میں صحافت کے شعبے سے منسلک صحافیوں کا ریکارڈ طلب کیا ہے جس پر قانون کے مطابق کاروائی کی جائے گی۔