اہم خبریں

جی بی کونسل کی خاتمے پر عوامی ایکشن کمیٹی نے بھی خاموشی توڑ دی، اہم بیان جاری۔

اسلام آباد(پریس ریلیز) چیرمین عوامی ایکشن کمیٹی گلگت بلتستان مولانا سلطان رئیس نے کہا ہے کہ جی بی کونسل کا خاتمہ کرپشن کا ایک باب بند ہوگا۔ اُنہوں نے نئے سیٹ اپ سے قبل گلگت بلتستان کے سٹیک ہولڈرز کو اعتماد لینے کا مطالبہ بھی کیا ہے۔ اُنکا مزید کہنا تھا کہ گلگت بلتستان کونسل کا خاتمہ بہتر مستقبل کیلئے ہوگا تو سراہا جائے اور اس کے نتیجے میں اسمبلی یا وفاق سے کوئی ٹیکسز کے لگانے کی کوشش کی گئی تو شدید رد عمل کا سامنا کرنا ہوگا۔گلگت بلتستان کو نئے سیٹ اپ کی خبریں خوش آئیند ہیں مگر گلگت بلتستان کے بہتر مستقبل کو گلگت بلتستان کے عوام بہتر سمجھتے ہیں لہٰذا کسی بھی سیٹ اپ دینے سے قبل گلگت بلتستان کے تمام سٹیک ہولڈرز کو اعتماد میں لینے کے بعد کوئی مستقل اور با اختیار سیٹ اپ کا فیصلہ کیا جائے۔ اُنہوں نے اعلان کیا ہے کہ عوامی ایکشن کمیٹی گلگت بلتستان بھی مذکورہ مسئلے پر تمام جماعتوں کو ٹیبل پر بٹھانے کی کوشش کرے گی۔