اہم خبریں

بورڈ آف انویسٹمینٹ کے چیف آیگزیکٹیو کا اعلان۔ وہی ہوا جسکا خدشہ اپوزیشن جماعتوں نے ظاہر کیا تھا۔

گلگت ( نامہ نگار ) گلگت بلتستان بورڈ آف انویسٹمینٹ کے چیف آیگزیکٹیو آفیسر کی پوسٹ پر وزاعلیٰ کے قریبی دست راست اور مسلم لیگ نواز جیبی کے پولیٹیکل آیڈوائزر شمس میر کو تعینات کر دیا گیا۔ سوشل میڈیا پر اور اخبارات میں اس تعیناتی کا انٹرویو سے قبل ہی انکشاف کردیا گیا تھا۔ قانون کے مطابق قومی اخبارات میں اس پوسٹ کو مشتہر کرنا ضروری تھا۔ جبکہ حکومت نے اپنے من پسند چند مقامی اخبارات میں اشتہار دے کر اس عمل کو ہی متنازعہ بنا کر رکھ دیا ہے۔ جبکہ اس اہم پوسٹ کے لئے صرف دو لوگوں کو ہی شارٹ لسٹ کر دیا گیا تھا۔ اب اس اہم محکمے میں مسلم نواز کے کارکنان کو مزید اہم عہدوں پر تعینات کرنے کا ٹاسک شمس میر کو ہی سپرد کر دیا گیا ہے یہی وجہ ہے کہ قومی ادارے میں پارٹی کے رہنما کی تعینات پر مسلم لیگ کے لوگ مٹھایاں تقسیم کر رہے ہیں اور اُنہیں پھولوں کا ہار پہنایا جارہا ہے۔ عوامی اور سیاسی حلقوں کا چیف سکریٹری سے نوٹس لینے کا مطالبہ۔