اہم خبریں

محکمہ جنگلات میں شفاف انداز میں بھرتیاں دیگر محکموں کے لئے قابل تقلید ہے۔

چلاس (ڈسٹرکٹ رپورٹر ) نائب صدر مسلم لیگ ن دیامر مولانا شجاع الحق نے کہا ہے کہ محکمہ جنگلات میں شفاف انداز میں بھرتیاں دیگر محکموں کے لئے قابل تقلید ہے اگر تمام محکموں میں اس انداز میں بھرتیوں کا عمل کیا جاتا ہے تو حقدار کو حق ملنے کے ساتھ ساتھ کوئی انگلی اٹھانے کی جرات بھی نہیں کر سکے گا اپنی ایک بیان میں انہوں نے کہا کہ کنزرویٹر محکمہ جنگلات دیامر استور محمود غزنوی ڈویژن فارسٹ آفیسر چلاس آفتاب سمیت دیگر آفیسروں نے ٹیسٹ کے مراحل سے انٹرویو تک نہ کسی فرد سے ملے ہیں اور نہ موبائل آن کیا ہے اور اسکے ساتھ ساتھ تمام امیدواروں کو یقین دہانی بھی کرائی ہے کہ حقدار کو حق ملے گا انہوں نے کہا کہ اس سے قبل ایک بار محکمہ پولیس میں اسی پالیسی کے تحت حقداروں کو حق ملا تھا اور بلکل اسی طرح محکمہ جنگلات میں بھی اسی پالیسی پر عمل کیا گیا ہے جو انتہائی خوز آئیند ہے