اہم خبریں

بیروزگاری کا جن بے قابو، چلاس میں چند عارضی ملازمت کیلئے توقع سے ذیادہ امیدار میدان میں اُتر آئے۔

چلاس(شہاب الدین غوری)محکمہ جنگلات چلاس ڈویژن میں چند آسامیوں پر پانچ سالہ عارضی ملازمت کے حصول کیلئے پانچ سو سے زائد پڑھے لکھے بیروزگاروں کا ٹیسٹ میں حصہ لینے سے دیامر میں بیروزگاری کا اندازہ لگایا جا سکتا ہے ۔حکومت کی زمہ داری ہے کہ وہ بیروزگار نوجوانوں کے لئے روزگار کے زرائع پیدا کریں تاکہ یہ نوجوان اپنی صلاحیتوں کو ملک و قوم کی خدمت کے لئے استعمال میں لا سکیں بیروزگاری کی بڑھتی ہوئی شرح سے معاشرے میں جو مسائل پیدا ہو سکتے ہیں اس کے لئے بروقت اقدامات کرنا ناگزیر ہیں ۔سرکاری محکموں کے علاوہ پرائیویٹ سیکٹر اور ایسے کاروباری زرائع پیدا کئے جا سکتے ہیں کہ جہاں پر پڑھے لکھے نوجوان اپنی صلاحیتوں سے ملکی ترقی میں بھی اپنا کردار ادا کر سکتے ہیں اور اپنے اپنے گھروں کی باعزت طور پر کفالت کی زمہ داری بھی اٹھا سکتے ہیں۔