اہم خبریں

زینب قتل کیس سپریم کورٹ لاہور میں اتوار کی چھٹی منسوخ۔

لاہور (ویب ڈیسک )قصور کی معصوم زینب سے زیادتی اور قتل کیس کے از خود نوٹس کی سماعت چیف جسٹس پاکستان کی سربراہی میں سپریم کورٹ کی لاہور رجسٹری میں ہورہی ہے۔ سپریم کورٹ لاہور رجسٹری میں آج اتوار کی چھٹی کےباوجود زینب قتل کیس سمیت متعدد اہم کیسز کی سماعت ہو رہی ہے ۔
چیف جسٹس ثاقب نثار کی سربراہی میں خصوصی بنچ سماعت کررہا ہے ۔آئی جی پنجاب ملزم کی گرفتاری سے متعلق پیش رفت کی رپورٹ جمع کرائیں گے۔
ڈی پی او قصور زاہد مروت پیشی کےلیے سپریم کورٹ رجسٹری پہنچ گئے، جبکہ جسٹس اعجاز الاحسن بھی سپریم کورٹ لاہور رجسٹری میں موجود ہیں۔
دوسری جانب سپریم کورٹ میں غیر معیاری لاء کالجز کے خلاف از خود نوٹس کی سماعت بھی آج ہوگی جس میں چیف جسٹس نے وائس چانسلرز سے لاء کالجز سے متعلق رپورٹ طلب کر رکھی ہے۔ لاہور میں بڑھتی ہوئی آلودگی اور اسپتالوں کا فضلہ ٹھکانےنہ لگانے کے خلاف از خود نوٹس کیس کی سماعت بھی آج ہی ہوگی ،چیف جسٹس نے سیکریٹری ماحولیات اور سیکریٹری صحت کو تحریری رپورٹس سمیت طلب کررکھا ہے۔