اہم خبریں

چلاس ضلعی انتظامیہ اور دیامر رائٹرز فورم کے زیر اہتمام کُل گلگت بلتستان محفل مشاعرہ کا اہتمام۔

چلاس(نامہ نگار) ضلعی انتظامیہ کے تعاون سے دیامر رائٹرز فورم کے زیر اہتمام کُل گلگت بلتستان آزادی محفل مشاعرہ کا اہتمام کیا گیا۔ مشاعرے میں گلگت بلتستان بھر سے نامور شعراءکے علاوہ دیامر سے مقامی شعراء اور عوام کی ایک کثیر تعداد نے شرکت کی۔مشاعرہ کے مہمان خصوصی ڈپٹی ڈاریکٹر ایجوکیشن دیامر امیر خان، میرمحفل ڈپٹی ڈاریکٹر لوکل گورنمنٹ ہدایت اللہ جبکہ صدر محفل دیامر رائٹرز فورم کے صدر و ترجمان جی بی حکومت فیض اللہ فراق تھے۔مشاعرے میں گلگت بلتستان کے اُردو اور شینا زباب کے شعراء نے جشن آزادی سے متعلق اپنے اپنے کلام پیش کرکے سامعین تک آزادی کا پیغام پہنچایا جبکہ نامور شعراء عبدالخاق تاج اور جمشید دکھی نے اپنے کلام سنا کر محفل لوٹ لیا ۔محفل مشاعرے میں ڈھول کی تھاپ پر رقص بھی پیش کیا گیا اور مقامی نوجوان جھوم اُٹھے۔