اہم خبریں

راناثناء اللہ اور وزیر اعلیٰ پنجاب کے استعفے کا ڈیڈ لائن ختم،طاہر القادری نے اپنا فیصلہ سُنا دیا۔

لاہور( مانٹرینگ ڈیسک) سانحہ ماڈل ٹاؤن کے حوالے سے عوامی تحریک کے زیراہتمام اے پی سی میں وزیر اعلی اور وزیر قانون دونوں کو استعفیٰ دینے کیلئے سات جنوری کی ڈیڈلائن دی گئی تھی۔ ڈیڈ لائن ختم ہوگئے لیکن کوئی استعفیٰ نہیں آیا۔ ڈاکٹر طاہر القادری نے کہا کہ اب ان کی حکومت کا خاتمہ ہو گا، ایکشن کمیٹی کا پہلا اجلاس 11 جنوری کو ہو گا، ایکشن کمیٹی احتجاج کے مختلف امور کا جائزہ لے گی، قمر الزمان کائرہ، عبد العلیم خان، کامل علی آغا اور شیخ رشید کمیٹی میں شامل ہیں۔ سانحہ ماڈل ٹاؤن پرعوامی تحریک کی حکومتی استعفوں کی ڈیڈلائن ختم ہونے کے باوجود ،صوبائی حکومت کی جانب سے کوئی نوٹس لیا گیا نہ ہی کوئی استعفیٰ آیا، ڈاکٹر طاہرالقادری نے اہم رہنماؤں کو مشاورت کیلئے طلب کرلیا،عوامی تحریک کےاتحادیوں سےمشاورت کیلئے ٹیلیفونک رابطے بھی شروع ہوگئے۔