اہم خبریں

نیب نے گلگت بلتستان میں کاروائیاں تیز کردی۔ بڑے بڑوں کی نیندیں حرام۔

گلگت (ڈسٹرک رپورٹر) گلگت بلتستان میں بہتر نظام حکومت نہ ہونے کی وجہ سے کرپشن ایک فیشن بن چُکی ہے لیکن گزشتہ چند ماہ سے قومی احتساب بیورو کی جانب سے گلگت بلتستان میں کرپشن کی خاتمے کیلئے اُٹھائے جانے والے اقدامات سے عوام کافی مطمئن نظر آتا ہے۔ محکمہ جنگلات کے اہم افیسرز کا گھیرا تنگ کرنے کے بعد احتساب بیورو کی جانب سےمحکمہ تعمیرات عامہ کے اہم شخصیات کا گھیرا تنگ کرنے کی خبروں میں محکمہ تعمیرات عامہ میں ہلچل مچا دی ہے۔ تفصیلات کے مطابق نیب گلگت بلتستان کا محکمہ جنگلات کے بعد محکمہ تعمیرات عامہ گلگت بلتستان کے سات اعلیٰ آفیسران کے خلاف کارروائی آخری مراحل میں داخل ہیں اس ضمن میں باقاعدہ ارنٹ بھی جاری کئے گئے ہیں۔
دوسری جانب محکمہ پولیس میں کرپشن کے حوالے سے وزارت داخلہ نے رپورٹ مانگا ہے عوامی حلقوں کا کہنا ہے کہ پولیس کے محکمے میں سابق اور موجودہ کالی بھیڑوں کے حوالے سے بھی نیب کو ایکشن لینے کی ضرورت ہے۔