اہم خبریں

گلگت وادی جلال آباد کے عوام پینے کی صاف پانی سے محروم۔

گلگت (جہانگیر حسین تیموری) گلگت کے نواحی گاوں جلال آباد گلگت حلقہ نمبر 3 میں دنیور کے بعد بڑی آبادی پر مشتمل قصبہ ہے۔ لیکن یہاں کے عوام آج بھی پینے کی صاف پانی کی سہولت سے محروم ہیں۔ علاقے کے عوام وہی گندا پانی پینے پر مجبور ہیں جو کہ مال مویشیوں کو پلایا جاتا ہے۔ جس کی وجہ سے لوگ مختلف بیماریوں کا شکار ہوجاتے ہیں، پیٹ کی بیماریاں اور معدے کی بیماریاں یہاں عام ہوتی جاررہی ہے حکومت چاہے پی پی پی کی حکومت ہو یا مسلم لیگ ن کسی بھی جماعت نے اس علاقے کے بنیادی مسلے کی طرف توجہ نہیں دیا ہے۔اہلیان جلال آباد نے وزیر اعلی سے مطالبہ کیا ہے کہ حلقے کے نمائندے کی عدم توجہی کے بعد مرکز کی جانب سےیہاں کے عوام کو اس گندے پانی سے نجات دلانے کے لئے اقدامات کرے۔بصورت دیگر سخت عوامی ری ایکشن کا سامنا کرنا پڑے گا۔