عوامی ایکشن کمیٹی گلگت بلتستان کے چیرمین کا قوم کے نام اہم پیغام۔

اسلام آباد( بیورو رپورٹ) چیرمین عوامی ایکشن کمیٹی مولانا سطان رئیس نے جی بی تھنکر فورم میں اظہار خیال کرتے ہوئے اسلام آباد میں ہونے والے میٹینگ پر تفصیلی بریفنگ دی۔اُنکا کہنا تھا کہ سخت سردی کے موسم میں عوامی جذبے نے حکومت کو گھٹنے ٹیکنے پر مجبور کیا جس کا پھل ٹیکس ایڈاپٹشن 2012کی منسوخی اور منرل ایکٹ 2016کی خاتمے کی صورت میں عوام کو ملا اور سلسلے میں سفارشات وزیر اعظم ہاوس کو روانہ کردی گئی ہے اور بہت جلد افیشل نوٹفیکشن بھی جاری ہوجائے گا۔ انہوں نے کہا کہ گلگت بلتستان تھنکرز فورم نے حالیہ تحریک میں کلیدی کردار ادا کیا ہے لہذا میں فورم کے انتظامیہ اور پاکستان سمیت دنیا بھر میں مقیم گلگت بلتستان کو لوگوں کا شکریہ ادا کرتا ہوں جنہوں نے عوامی تحریک کو کامیاب بنانے میں تاریخی کردار ادا کیا۔ اُنہوں نے قوم کو پیغام دیا کہ حالیہ تحریک میں تمام تر سازشوں کے باوجود عوام میں بطور قوم خاص طور پر گلگت بلتستان کے یوتھ اور علمائے کرام نے یکجہتی کا مظاہر ہ کیا میری دعا ہے محبتوں کا یہ سلسلہ جاری رہے بلکہ مزید مضبوط ہوجائے۔ اُن کا کہنا تھا کہ یہ ایک حقیقت ہے کہ گلگت بلتستان کو موجودہ انتظامی سیٹ دی گئی ہے اُس سے نہ عوام خوشہے نہ نمائندے لیکن جب تک عوام میں اس حوالے سے بیداری نہیں آتے ہمیں اس نظام کے تحت رہ کر اپنے حقوق کیلئے جدوجہد کرنے کی ضرورت ہے۔لہذا ہم نے کل کے میٹینگ میں تمام قسم کے ان ڈائرکٹ ٹیکسز کے معاملے کو بھی حل کیا ہے اس سلسلے میں مقامی سطح پر قانون ساز اسمبلی کے ذریعے ایک میکنزم تیار کیا جائے گا جس کے تحت گلگت بلتستان میں وصول کرنے والے تمام قسم کے ان ڈائرکٹ ٹیکسز کی واپسی کیلئے بھی قانون سازی کی جائے گی۔