اہم خبریں

مریم نواز شریف نے ایک نئی سازش کا انکشاف کردیا

لاہور (آئی این پی) مسلم لیگ (ن) کی رہنما مریم صفدر المعروف مریم نواز نے کہا ہے کہ چیئرمین تحریک انصاف عمران خان اور پاکستان عوامی تحریک کے سربراہ طاہر القادری کا ساتھ بیٹھنا اس بات کا ثبوت ہے کہ ریاست، جمہوریت اور حکومت کے خلاف ایک نئی سازش تیار ہورہی ہے۔ سماجی رابطوں کی ویب سائٹ ٹوئیٹر پر اپنے بیان میں مریم نواز نے کہا کہ عمران خان اور طاہر القادری کا ساتھ بیٹھنا اس بات کا ثبوت ہے کہ ریاست جمہوریت اور حکومت کے خلاف ایک نئی سازش تیار ہورہی ہے، عمران خان کی اس سے بڑی ناکامی کیا ہو گی کہ اس کی پہچان ایک سیاسی اور جمہوری رہنما کی بجائے ایک سازشی اور مہرے کی ہے، سازشی مہروں کے پاس کوئی عوامی ایجنڈا نہیں، ان کو صرف سازش کے تحت انتشار کےلئے اکٹھا کیا جاتا ہے ،لوگوں کو سب سمجھ ہے۔