پاکستان تحریک انصاف کے اہم رہنما نے ایک تاریخی راز افشاں کردیا۔

گلگت ( پ،ر) اتحاد چوک گلگت پر سجے پنڈال میں عوامی اجتماع سے خطاب کرتے ہوئے پاکستان تحریک انصاف گلگت بلتستان کے سیکرٹیری جنرل فتح اللہ خان نے کہا ہے کہ حکمران جماعت کی جانب سے سوشل میڈیا پر مسلسل پروپگنڈہ کیا جارہا ہے کہ عوامی ایکشن کمیٹی اور انجمن تاجران مسلم لیگ نون کی حکومت کے خلاف کسی کے اشاروں پر یہ سارا کھیل کھیل رہا اور یہ لوگ ایجنسیوں کے پودے ہیں۔ انہوں نے کہا اگر عوامی ایکشن کمیٹی اور انجمن تاجران پاکستان کے کسی بھی خفیہ ایجنسیوں کے اشارے پر یہ سارا کام کر رہا ہے یا اُنکے پودے ہیں تو میں سلام پیش کرتا ہوں کیونکہ یہ ایک عوامی جدوجہد ہے اور ایجنسیاں ہمشیہ عوامی مفاد کیلئے کام کرتے ہیں۔ اُنکا یہ کہنا تھا حکومت کا اصل اشارہ افواج پاکستان کی طرف ہے کیونکہ اس وقت مسلم لیگ نون نے مرکز میں بھی یہی کام شروع کیا ہوا ہے۔ اُنہوں اپنے خطاب میں مسلم لیگ نون پر الزام لگایا ہے کہ 1999میں جب اُنکی حکومت کا تختہ پلٹا تو نواز شریف اور شہباز شریف کے بیٹوں نے بھارت سے اپنے خاندان کی سیاست کو بچانے کیلئے رہنمائی کرنے کی دعوت دی تھی ۔ انہوں نے کہنا فرض کریں کہ حکومتی دعویٰ درست بھی ہو تو ہمیں فخر ہونا چاہئے کہ ہم نے مودی کی سرکار کو دعوت نہیں دی بلکہ اپنے ہی ملک کے ایجنسیوں سے مدد کا مطالبہ کیا۔اُنہوں نے کہا کہ جب مقامی حکمران عوامی مسائل سے بے خبر لاہور اسلام آباد میں شادی کی پارٹیاں انجوائے کررہی ہے ایسے میں عوام مطالبہ بھی کس سے کریں لہذا پاکستان آرمی سے اگر مطالبہ کیا ہے تو ہمیں فخر ہے۔