اہم خبریں

پیپلزپارٹی آزادکشمیر کے صدر وزیر اعظم پاکستان پر خوفناک الزام لگا دیا۔

مظفر آباد( پ،ر)پیپلزپارٹی آزادکشمیر کے صدر چوہدری لطیف اکبر نے مطالبہ کیا ہے کہ وفاقی اور آزادحکومت ایکنک سے منظور شدہ آٹھ مقام تا تاؤ بٹ 115کلومیٹر روڈ منصوبے پر جلد کام شروع کرائیں، شاہراہ نیلم علاقائی سڑک نہیں، قومی اہمیت کا حامل منصوبہ ہے۔ مظفرآباد کو سی پیک سے شاہد خاقان عباسی نے نکالا ہے، وزیراعظم پاکستان اور مہتاب عباسی اپنے حلقوں کو فائدہ پہنچانا چاہتے ہیں، وفاق ہم پر احسان نہ کرے ہم اپنا حق مانگتے ہیں۔ یو سی کٹکیر اور میرا کلاں کو کسی صورت ہٹیاں بالا میں شامل نہیں کرنے دینگے۔ ان خیالات کاا ظہار انہوں نے سابق وزیر میاں عبدالوحید، شوکت جاوید میر اور دیگر قائدین کے ہمراہ پریس کانفرنس سے خطاب کرتے ہوئے کیا۔ انہوں نے کہا کہ وفاقی وزیر آزادکشمیر کے عوام کو بجلی چور کہنے پر معافی مانگیں، وزیراعظم آزاد کشمیر ہمت دکھائیں اور لوڈشیڈنگ ختم کرائیں۔