اہم خبریں

ضلع کھرمنگ موضع منٹھونالہ کے عوام گزشتہ دس ماہ سے مسلسل بل کی آدائیگیوں کے باوجود ٹیلی فون کی سہولت سے محروم۔

کھرمنگ( نامہ نگار خصوصی) ضلع کھرمنگ میں منٹھو نالہ گاوں جو ایس سی او ڈیجیٹل ایکسچینج منٹھوکھا سے صرف چار کلو میٹر کی دوری پر واقع ہیں لیکن پچھلے سال سردیوں میں برف باری کے باعث لائنیں خراب ہوئی تھی جو اب تک درست نہیں ہوسکے، اہلیان علاقہ کا کہنا ہے کہ ہم ٹیلی فون کو سہولت نہ ہونے کے باوجود ہر ماہ 174روپیہ باقاعدگی سے بل ادا کرتے ہیں لیکن ہمارے مسائل کا کوئی پرسان حال نہیں اُنکا کہنا ہے کہ ہم نے مادھوپور کے مقام پر موجود اُنکے دفتر سے لیکر سکردو تک میں اس مسلے کی حل کیلئے کئی بار درخواستیں دی ہے لیکن کوئی سُننے والا نہیں جبکہبل باقاعدگی سے وصول کر رہے ہیں،عوام کا کہنا تھا کہ ٹیلیفون کی عدم دستیابی آج کے اس دور میں ایسے علاقوں میں انتہائی ضروری ہے جہاں سڑکوں کی سہولت بھی میسر نہ ہو، لہذا ادارے کو چاہئے کہ جلدازجلد اس اہم مسلے کو حل کریں ۔