اہم خبریں

دیامر کو ترقیاتی منصوبوں کا قبرستان بنانے کے پیچھے منتخب سیاسی قیادت،ٹھیکدار اور کرپٹ بیوروکریٹس کا ہاتھ ہے۔طاہر ایڈوکیٹ

چلاس(بیورورپورٹ)دیامر کو ترقیاتی منصوبوں کا قبرستان بنانے کے پیچھے منتخب سیاسی قیادت،ٹھیکدار اور کرپٹ بیوروکریٹس کا ہاتھ ہے ۔ان خیالات کا اظہار تحریک انصاف دیامر کے جزل سیکرٹری طاہر ایڈوکیٹ نے اپنے ایک بیان میں کیا ۔انہوں نے کہا کہ منتخب نمائندے اپنے رشتہ داروں کو ٹھیکے دلوانے کیلئے بیوروکریٹس کو رشوت دیتے ہیں ،بیوروکریٹس ممبران سے رشوت لیکر من پسند افراد کو ٹھیکے دیتا ہے ،جس کی وجہ سے ترقیاتی سکیموں کے مکمل ہونے میں عشرے لگتے ہیں ۔انہوں نے کہا کہ ٹھیکدار اور متعلقہ محکمہ کے سربراہان کی ملی بھگت سے دیامر میں تمام ترقیاتی منصوبے جمود کا شکار ہیں ۔انہوں نے کہا کہ حکومت کرپٹ ٹھیکداروں اور کرپٹ بیوروکریٹس کا احتساب کرے اور اپنے ممبران کی سفارش کے بجائے میرٹ کو فالو کرے تاکہ یہ بگڑا ہوا نظام درست ہوسکے ۔