اہم خبریں

عوامی ایکشن کمیٹی اور انجمن تاجران گلگت بلتستان نے گلگت بلتستان بھر میں ایک بار پھر مکمل شٹرڈاون ہڑتال کا اعلان کردیا۔

گلگت ( تحریر نیوز) عوامی ایکشن کمیٹی گلگت بلتستان اور انجمن تاجران گلگت بلتستان نے آج کے اہم میٹینگ میں ایک بار پھر پہیہ جام ہڑتال کرنے کا اعلان کردیا۔ تفصیلات کے مطابق پہلے مرحلے میں 11 نومبر کو پیٹرولیم ایسوسی ایشن گلگت بلتستان کی جانب سے تمام پیٹرول پمپس بند کرنے کا فیصلہ کیا ہے اور دوسرے مرحلے میں 13 نومبر سے غیر معینہ مدت کیلئے گلگت بلتستان میں وفاقی اور مقامی سطح پر لاگو غیر قانونی غیرآئینی تمام قسم کے ٹیکسز کو ختم کرنے تک پورے گلگت بلتستان کی سطح پر پہیہ جام ہڑتال ہوگا۔ چیرمین عوامی ایکشن کمیٹی مولانا سلطان رئیس کا اس حوالے سے کہنا تھا کہ گلگت بلتستان کے عوام ٹیکس کے خلاف نہیں بلکہ اس خطے کی آئینی حیثیت کا تعین کئے بغیر کوئی بھی ٹیکس گلگت بلتستان کے عوام پر ظلم اور بین الاقوامی قوانین کی خلاف ورزی ہے۔ لہذا عوامی حقوق کیلئے جدوجہد کرنا ہمارا مشن بھی ہے اور عوام کا حق بھی۔