0
0
سکردو(پ۔ر) پیپلزپارٹی سکردو کی تمام تنظیموں اور کارکنوں کا مشترکہ اجلاس پیپلزپارٹی سکریٹریٹ سکردو میں منعقد ہوا اجلاس سے رکن گلگت بلتستان اسمبلی غلام شہزاد آغا، سابق امیدوار سکردو حلقہ دو سید محمد علی شاہ، بلتستان ڈویژن کے جنرل سکریٹری بشارت ظہیر، ضلع سکردو کے سکریٹری اطلاعات طالب حسین اور سٹی سکردو کے صدر افضل سمیال نے خطاب کیا۔ پیپلزپارٹی کے رکن گلگت بلتستان اسمبلی غلام شہزاد آغا نے صوبائی وزیر جنگلات کی تنقید کا جواب دیتے ہوئے کہا کہ اپوزیشن لیڈر گلگت بلتستان اسمبلی امجد حسین ایڈووکیٹ کسی جنگل کے وزیر نہیں بلکہ پورے گلگت بلتستان کے عوام کے حقیقی قائد اور حقوق کی سب سے توانا آواز ہیں اور اپوزیشن میں ہونے کے باوجود ان میں گلگت بلتستان کے مسائل حل کرنے کی صلاحیت ہے۔ حق ملکیت بل صوبائی حکومت اور انکے اراکین اسمبلی کا کڑا امتحان ہے اور اس دن یہ ثابت ہوگا کہ گلگت بلتستان کے عوام کا ہمدرد کون ہے اور مفاد پرست کون۔ انہوں نے مزید کہا کہ پیپلز پارٹی گلگت بلتستان کی قیادت اور تمام کارکنوں کا مشکور ہوں کہ ایک کارکن کو گلگت بلتستان اسمبلی میں نمائندگی کا اعزاز بخشا۔ گلگت بلتستان میں پیپلزپارٹی نے وفاقی حکومت اور مذہبی جماعتوں کا بھر پور مقابلہ کیا اور عوام نے اصولاً پیپلزپارٹی کو مینڈیٹ دیا تھا مگر بدترین دھاندلی کے ذریعے ہمارے مینڈیٹ پر شب خون مارا گیا۔ خصوصاً گلگت اور سکردو کے حلقہ دو میں راتوں رات ووٹ چوری کئے گئے۔ پیپلزپارٹی نے اس حوالے سے جوڈیشل کمیشن کے قیام کا مطالبہ کیا ہے اگر ایسا نہیں ہوا تو پھر ہم اپنے اگلے لائحہ عمل کا اعلان کریں گے۔ ہم مینڈیٹ چوری کرنے والوں کو عوامی نمائندے تسلیم نہیں کرتے۔ تمام تر ترقیاتی کام میرٹ کی بنیاد پر کریں گے اور جہاں پر زیادہ ضرورت ہوگی وہاں پر ترجیحی بنیادوں پر کام ہوگا۔ گلگت بلتستان کے عوام میں پیپلزپارٹی کی حکومت ہے اور ہم کارکنوں کی توقعات پر پورا اترنے کی بھرپور کوشش کریں گے۔ تقریب سے خطاب کرتے ہوئے سید محمد علی شاہ، بشارت ظہیر، طالب حسین اور افضل سمیال نے غلام شہزاد آغا کو مبارکباد پیش کرتے ہوئے کہا کہ پیپلز پارٹی گلگت بلتستان کی قیادت نے شہراد آغاز کی شکل میں عوامی حقوق کی توانا آواز کو اسمبلی میں نمائندگی دے کر بہترین فیصلہ کیا ہے اور اس اقدام سے کارکنوں کے حوصلے بلند ہوئے ہیں۔ امید ہے کہ وہ اسمبلی کے اندر عوامی حقوق کی جدوجہد کے ساتھ ساتھ پیپلزپارٹی کے کارکنوں کے حقوق کے لئے بھی بھرپور اور ہر ممکن اقدامات کریں گے۔ اجلاس میں پیپلزپارٹی کے عہدیداروں سمیت کارکنوں کی کثیر تعداد نے شرکت کی۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا