اہم خبریں

اہلیان چلاس کا دیرینہ خواب تکمیل کی جانب گامزن ,باب چلاس سے بازار تک کی شاہراہ پر کام کا آغاز ہو گیا ۔

چلاس( شہاب الدین غوری) اہلیان چلاس کا دیرینہ خواب تکمیل کی جانب گامزن ,باب چلاس سے بازار تک کی شاہراہ پر کام کا آغاز ہو گیا ۔کمشنر دیامر استور ڈویژن سید عبد الوحید شاہ کام کا جائزہ لینے سائیڈ پر پہنچ گئے اُنہیں اس حوالے سے ایگزیکٹو انجینئر دیامر ہدایت اللہ نے بریفنگ دی ۔اس موقع پر کمشنر نے کہا کہ کام کے معیار پر کوئی سمجھوتہ نہیں کیا جائے گا اور کام کی تکمیل تک باب چلاس پر دو کرسیاں لگائی جائیں جہاں پر میں (کمشنر )اور ایکسین بیٹھ کر خود نگرانی کرینگے ۔محکمہ تعمیرات عامہ دیامر کی طرف سے منظور شدہ ڈیزائن کے مطابق سڑک تعمیر کی جائے ۔ اس موقع پر ٹھیکیدار نے یقینی دہانی کرائی کہ وہ ایک خوبصورت روڈ بنائیں گے جسے عوام مدتوں یاد رکھیں گے ۔
عوام کہا کہنا تھا کہ یہ سڑک محکمہ تعمیرات عامہ کیلئے ٹیسٹ کیس ہے اگر مقررہ مدت میں معیار کے مطابق یہ منصوبہ مکمل ہوا تو محکمے کی نیک نامی ہو گی اور عوام کا اعتماد بحال ہو گا ورنہ محکمے کی رہی سہی کسر بھی مٹی میں ملے گی اور ادارے کے وجود پر سوالات کھڑے ہوں گے