ن لیگ کے سابق نائب صدر و سابق وزیر تعمیرات ڈاکٹر اقبال پی ٹی آئی میں شامل۔ سوشل میڈیا پر شدید تنقید.

گلگت (ٹی این این) مسلم لیگ ن گلگت بلتستان کے سابق نائب صدر و سابق وزیر تعمیرات ڈاکٹر محمد اقبال پاکستان تحریک انصاف گلگت بلتستان صدر سید جعفر شاہ کی رحلت کے تیسرے روز ہی پاکستان تحریک انصاف میں شامل ہوگئے. مرحوم سید جعفر شاہ اور ڈاکٹر اقبال ایک کی حلقے کے ہیں اس وجہ سے سوشل میڈیا پر کہا جارہا ہے کہ ڈاکٹر اقبال نے موقع کا فائدہ اُٹھاتے ہوئے ن لیگ کو خیر باد کہہ کر تحریک انصاف میں شامل ہوگیا جو کہ انتہائی شرمناک بات ہے. عوامی حلقوں کے مطابق الیکشن کمیشن گلگت بلتستان نے سید جعفر شاہ کے حلقے میں الیکشن ملتوی کرنے کا پہلے ہی دن اعلان کیا تھا لیکن تحریک انصاف کی قیادت نے ان کے نشست پر اُنکی رحلت کا یوم سوگ اور سوئم ختم ہونے پہلے ہی ڈاکٹر اقبال کو پارٹی میں شامل کرکے حلقے کے عوام کے غموں پر نمک چھڑک دی ہے. سید جعفر شاہ کے حامیوں کی جانب سے اس اقدام پر شدید تنقید کی جارہی ہے اور کہا جارہا ہے کہ پارٹی قیادت نے سید جعفر شاہ کی روح کو تڑپایا ہے جسکا جواب الیکشن میں ملے گا. جبکہ سوشل میڈیا پر ڈاکٹر اقبال کی جانب سے جلدی بازی میں شامل ہونے پر بھی شدید تنقید کرنے ہوئے ان کے اس اقدام کو آخلاقیات کا دیوالیہ اور اسلامی اقدار اور خطے کی روایات کے منافی قرار دی جارہی ہے.